विष्णुप्रसाद देवकोटा ।
डाेल्पाकाे उत्तरी क्षेत्र माेरिम्लामा पुगेका एक ब्यापारी हिउँ मानिसकाे अपहरणमा परेका छन।लुकीछिपि चीन सिमा पार गर्न अबैध रुपमा माेरिम्ला सिमा नाका पुगेका दुई जना मध्य एक जनालाई हिउँ मानिसले अपहरण गरेकाे र अर्का एक जनालाई चिनियाँ प्रहरीले समातेकाे बताइएकाे छ ।
जुम्ला गोठिचौर गाउँपालिका वडा नं १ बस्ने शिक्षक गणेश लामालाई बन मान्छे (हिउँ मानिस) ले अपहरण गरेकाे हाे ।यस्तै गरि साेही गाउँपालिकाका सिँह बहादुर महतारालाई लुकिछिपि चिनियाँ ब्यापारिक क्षेत्रमा प्रवेश गर्ने क्रममा चिनियाँ प्रहरीले समातेको खबर प्राप्त भएकाे जिल्ला प्रहरी कार्यालय डोल्पाका प्रहरी नायव उपरिक्षक हरिकृष्ण केसीले बताउनु भयाे ।
चिनियाँ प्रहरीले समातेका महताराका आफन्त मार्फत यो घटना आएकाे भएपनि घटना के कति सत्य हो भन्ने कुरा अनुसन्धान भइरहेकाे प्रहरीले जनाएकाे छ ।
महताराका आफन्तले खोजिनितिको लागि जिल्ला प्रहरी कार्यालय डोल्पामा निवेदन समेत दिएका छन।
प्रहरीका अनुसार चिनियाँ प्रहरीको नियन्त्रणमा रहेका महतारालाई चिनियाँ क्षेत्रमा पुगेका आफन्तलाइ बुझाइ सकेको बताइएकाे छ ।
जुम्लाबाट लामाका आफन्त आएपछि आधिकारीक काजगपत्र बनाएर खोजिनितिका लागि प्रहरीले समन्वय गर्ने कुरा भइरहेको डिएसपी केसीले बताउनु भयाे ।
