प्रहरी प्रधान कार्यालयले विवादित बनेका बाँके प्रहरी प्रमुख एसपी सुवासचन्द्र बोहराको मधेस प्रहरी कार्यालयमा काज सरुवा गरेको छ।
पत्रकार महासंघ बाँकेका अध्यक्ष दामोदर भण्डारीलाई समाचार लेखेकै भरमा धम्की दिएपछि विभिन्न पत्रकार संगठनको विरोधपछि एसपी बोहराको सरुवा भएको हो।
बाँकेमा प्रहरी प्रधान कार्यालय नक्सालले एसपी तुलबहादुर कार्कीलाई काज सरुवा गरेर पठाएको छ।
नेपाल पत्रकार महासंघ बाँकेका अध्यक्ष समेत रहेका सेतोखरी डटकम र सद्भाव दैनिकका सम्पादक भण्डारीले एसपी बोहराले तस्करबाट मोटो रकम उठाउने गरेको सम्बन्धी समाचार प्रकाशन गरेका थिए ।
उक्त समाचारको विषयमा एसपी बोहराले आफुलाई धम्की दिएको भण्डारीले बताएका छन् ।
घटनाको विषयमा लुम्बिनी प्रदेश प्रहरी कार्यालयले पनि छानविन समिति गठन गरेर एसपी बोहरामाथी आन्तरिक रुपमा छानविन सुरु गरेको थियो ।
