विष्णुप्रसाद देवकोटा
त्रिपुरासुन्दरी नगरपालिकाको कोटबगरस्थित खेलकुद मैदानमा पालिकास्तरीय चौथो मेयर कप खुला भलिबल तथा जिल्लास्तरीय ब्याडमिन्टन प्रतियोगिता शुरु भएको छ ।
कर्णाली प्रदेश सरकारका पुर्व सामाजिक विकास मन्त्री तथा डोल्पा (ख) प्रदेशका सासंद बीरबहादुर शाही र त्रिपुरासुन्दरी नगरपालिकाका प्रमुख जनचन्द्र रोकायाले पानसमा दिपप्रज्वलितका साथै भलिबल सर्भिस गरेर मेयरकपको समुदघाटन गर्नु भएको थियो ।
चौथो मेयर कपको समुदघाटन गर्दै प्रमुख अतिथि तथा पुर्व सामाजिक विकास मन्त्री बीरबहादुर शाहीले खेलकुद स्वास्थ्य र राष्ट्र दुबैको लागि आवश्यक रहेको बताउनु भयो ।
आफु पनि विद्यालय उमेरदेखि नै खेलकुद प्रति रुचि राख्ने भएकाले जिल्लामा खेलकुद गतिविधिलाई प्रोत्साहन गर्न जिल्लामा विनियोजित बजेट मध्य पचास प्रतिसत बजेट खेलकुद मैदान निर्माणमा विनियोजन गरिएको उल्लेख गर्नु भयो ।
डोल्पाका ठूलिभेरी त्रिपुरासुन्दरी नगरपालिका लगायत जगदुल्ला र मुड्केचुला गाउँपालिकामा खेलकुद मैदान निर्माणका लागि वजेट विनियोजन गरिएको पुर्व मन्त्री शाहीको भनाई थियो ।
डोल्पामा विकास योजनामा मुद्दा हाल्ने प्रबृति बढि भएकाले पुर्वाग्रही हिसावले मुद्दा हाल्ने प्रबृति रोकी विकास निर्माणमा सबैले हातमालो गरेर अगाडि बढ्नु पर्नेमा पुर्व मन्त्री शाहीले जोड दिनु भयो ।
कर्णली प्रदेशका पुर्व सिचाई तथा जलस्रोत मन्त्री उर्मिला विश्वकर्माले आफुले सक्दो प्रयास खेलकुद विकासको लागि पर्ने बताउनु भयो ।
त्रिपुरासुन्दरी नगरपालिकाले विकासका साथै खेलकुदलाई समेत प्राथमितामा राखेर काम गरिरहेको बताउनु भयो ।
नेकपा एमालेकी केन्द्रिय सदस्य बदमी क्वारी बोहोरा(बुढा)ले सबैले एक अर्कामा सहयोगको भाव विकास गरिमेयरकप लाई अनुशासित ब्यवस्थित र प्रभावकारी रुपमा सम्पन्न गर्नु पर्नेमा जोड दिनु भयो ।
नागरिक समाज डोल्पाका अध्यक्ष शेर बहादुर बुढाले त्रिपुरासुन्दरी नगरपालिका जिल्लाकै नमुना पालिका भएको उल्लेख गर्दै जनताको जनजीविका लगायत विकास निर्माणका साथै खेलकुद र संस्कृतिको संरक्षण संबर्दनमा लागिपरिरहेको बताउनु भयो ।
डोल्पा जिल्लाको हकमा विकासको सुचांकमा समेत अगाडि रहेको बताउदै त्रिपुरासुन्दरी नगरपालिकाको तुलनामा अन्य स्थानीय तहलाई दिउसै टर्च बालेर खोज्नु पर्ने अवस्था रहेकोमा दुख ब्यक्त गर्नु भयो ।
त्रिपुरासुन्दरी नगरपालिकाको कर्मचारी टिम र जनप्रतिनिधि टिम बीच पहिलो दिन भएको मैत्रिपुर्ण खेलमा जनप्रतिनिधि टिमले कर्मचारी टिमलाई हराउदै विजय हासिल गरेको छ ।कर्मचारी र जनप्रतिनिधि बीच भएको मैत्रिपूर्ण भलिबल खेल रोचक रुपमा भएको थियो l
बेस्टअफ फाईबमा खेलाइएको खेलमा लगातार तीनवटै सिफ्ट जितेर कर्मचारी टिमलाई जनप्रतिनिधि टमिले पराजय गरेको थियो ।
मेयरकपको समुदघाटनको दिन सम्म विभिन्न कारणले खेल समुह फोन मार्फत दर्ता गरेपनि भौतिक रुपमा खेलसमुहका खेलाडि उपस्थित नभएकाले शनिवार साँझ सम्म खेल समुह दर्ता गरिने र आईतवार वाट प्रतियोगिता शुरु हुने आयोजक त्रिपुरासुज्दरी नगरपालिकाका निमित्त प्रमुख प्रशासकीय अधिकृत हिराचन्द्र धरालाले जानकारी दिनु भयो ।
नगरप्रमुख जनचन्द्र रोकायाको अध्यक्षतामा भएको समुदघाटन कार्यक्रममा उपप्रमुख देबि घर्ति उद्योग बार्णिज्य संघका अध्यक्ष लालिमान बुढा विभिन्न राजनीतिकदलका प्रमुख तथा प्रतिनिधि लगायत सर्बसाधारणको उल्लेखख्य सहभागिता रहेको थियो ।
कार्यक्रममा सहभागि प्रमुख अतिथि विशेष अतिथि लगायत अतिथिहरुलाई शुभकामना मन्तब्य राख्दै नगरका निमित्त प्रमुख प्रशासकीय अधिकृत हिराचन्द्र धरालाले प्रत्येक वर्ष दशै र तिहारको बीचमा मेयरकप प्रतियोगिताको आयोजना गरिदै आएको उल्लेख गर्दै सबैको सक्रिय सहभागिताले नै खेलकुदको शोभा बढ्न गई खेलकुद प्रेमीहरुलाई समेत हौसला प्रदान हुने बताउनु भयो ।
अनुसाशित मर्यादित र ब्यवस्थित खेलकुद प्रतियोगिता सम्पन्न गर्नको लागि सबैले आआफ्नो तह र तप्कावाट रचनात्मक सहयोग गर्न समेत आग्रह गर्नु भएको छ ।
