विकाश शाही/कालिकोट
(गजल)
चर्किएको यो मन मस्तिष्क टाल्न मिल्छ र
अनियन्त्रित यी खराब सोच सम्हाल्न मिल्छ र ।।
एउटा सोच्छु अर्कै हुन्छ सायद समय अर्कैको भागमा छ …
मेरो नी आउला नी दिन हानिकारक सोच पाल्न मिल्छ र ।।
गन्तब्य छ लामो मेरो यात्री हु म आफ्नै यात्राको ..
दूरी देखि डराएर सपना हरु फाल्न मिल्छ र ।।
हिँड्दा हिँड्दै ठेस लाग्यो र त सम्हालीए..
विगतलाई बिर्सिएर नयाँ कदम चाल्न मिल्छ र ।।
दिशा बदलेर होला बतास पनि आफ्नै रफ्तारमा थियो..
सोच विचार ठाउँमा राखी फेरि पनि सपनाको दियो बाल्न मिल्छ र ।।।
विकाश शाही कालिकोट जिल्लाको शुभकालिका ०७ कोट बासी हुन । उनी फुर्सदिलो समयमा गजल लेखीरहन्छन्।।
