काठमाडौँ । शहरी विकास मन्त्री धनबहादुर बुढाले आफ्नो मन्त्रालयको बजेट असन्तुलित रहेको भन्ने भनाइमा सत्यता नरहेको बताउनु भएकाे छ ।
आइतबार प्रतिनिधि सभा बैठकमा मन्त्रालयको विनियोजित बजेटमाथि सांसदहरुले उठाएका प्रश्नको जवाफ दिने क्रममा उनलेउक्त दाबी गर्नु भएकाे हाे ।
मन्त्री बुढाले योजनाहरूको आवश्यकता र सन्तुलित तवरले मन्त्रालयको बजेट विनियोजनको प्रयास गरिएको दाबी गर्नु भयाे ।
संघीय संसद भवन, मन्त्री निवास, मुख्यमन्त्री निवास, प्रदेश प्रमुख लगायतका विशेष प्रकृतिका भवन निर्माण गर्नु परेकाले अन्य प्रदेशभन्दा बागमती प्रदेशको बजेट बढी देखिएको उहाँको भनाई छ ।मन्त्री बुढाले आयोजनाहरूको पूर्वतयारीका लागि ५ लाख भन्दा बढीको बजेट विनियोजन गर्ने बाध्यता आइपरेको पनि बताउनु भयाे ।
मन्त्री बुढाले आफूले सबै जिल्लामा योजनाहरू पुग्ने गरी बजेटको विनियोजन गरेको दाबी गर्दै डाेल्पामा बजेट बढि भयाे भन्नू डाेल्पालाई हेर्ने दृष्टिकोण कमजाेर हाे भन्ने आफुलाई लागेकाे उल्लेख गर्नु भयाे ।
डाेल्पाकमे भुगाेल विकटताकाे हिसवमा अहिले विनियोजित बजेट पनि कम भएकाे तर्क उहाँको थियाे ।
