डाेल्पान्युज डेक्स ।
पहिराेले छिन्चु- जाजरकोट सडक अवरुद्ध भएको छ। बिहिबार रातिको बर्षाका कारण जाजरकोट सदरमुकामनजिक बोहरा गाउँ नजिकै पहिरो खस्दा सडक अवरुद्ध भएको हो।
सडक अवरुद्ध हुँदा बिहानैदेखि मानिसको समेत आवतजावत बन्द भएको थियो। हाल सडक खुलाउने काम भईरहेको प्रहरीले जनाएको छ।
उक्त पहिरोले सडक छेउमा गाडिएका पोलहरु बगाउँदा विद्युत सेवा समेत अवरुद्ध भएको जाजरकोटका प्रहरी प्रमुख डिएसपी पुरुषोत्तम प्रसाद पाण्डेले जानकारी दिए।
गएरातिकै बर्षाका कारण पहिरो खस्दा रुकुम जोड्ने राप्ती राजमार्ग र मध्यपहाडी राजमार्गको रुकुम पश्चिम खण्ड पनि अवरुद्ध भएका छन्।
