माननीय शहरी विकास मन्त्री धन बहादुर बुढा सम्मानित भएका छन।
रिपोर्टर्स क्लब नेपालको २६औं वार्षिकोत्सवको अवसरमा काठमाडौंको होटल एभरेष्टमा आयोजित समारोहमा प्रधानमन्त्री पुष्पकमल दाहाल ‘प्रचण्ड’ र क्लबका सभापति ऋषिराज धमलाले उनलाई संयुक्त रुपमा सम्मान गरेका हुन् ।
आफ्नो क्षेत्रको र देशको आर्थिक सामाजिक, राजनीतिक, सांस्कृति विकासमा पुर्याएको योगदानको उच्च कदर गर्दै क्बलले आफ्नो वार्षिकोत्सवको अवसरमा सम्मान प्रदान गरेको हो ।
सम्मान पत्रमा लेखिएको छ , नेपालको राजनीतिमा सक्रिय तपाईंले राजनीतिमार्फत मुलुकको आर्थिक, सामाजिक ,राजनीतिक र सांस्कृतिक विकासमा महत्वपूर्ण भूमिका खेल्दै आउनुभएको छ।
नेपालको विकट जिल्ला डोल्पाबाट राजनीति सुरु गर्नुभएको तपाईं नेपाली राजनीतिको सम्मानित व्यक्तित्व हुनुहुन्छ ।
कर्णाली प्रदेशबाट प्रतिनिधित्व गरेपनि समग्र मुलुककै विकास र समृद्धिका लागि महत्वपूर्ण योगदानसहित बुढा सक्रिय भूमिका खेल्दै आएका छन ।
आफ्नो क्षेत्रमा तपाईं सदैव समर्पित रहि तपाईंले पुर्याउनु भएको योगदान प्रशंसनिय छ । तपाईंको यो अतुलनीय योगदान उच्च कदर स्वरुप रिपोर्टर्स क्लब नेपाल २६औं वार्षिकोत्सव २०८० को अवसरमा माननीय धनबहादुर बुढा ज्युलाई विशेष सम्मानद्वारा अभिनन्दन गर्दछ । तपाईंको सुस्वास्थ्य र दीर्घ जीवनको शुभकामना ।उक्त सम्मान पत्रमा उल्लेख गरिएकाे छ ।