डाेल्पान्युज डेक्स

दशाैं संविधान दिवस तथा राष्ट्रिय दिवसकाे अवसरमा डाेल्पामा भएकाे मैत्रीपूर्ण फुटबल प्रतियोगिता सम्पन्न भएकाे छ।

आज असाेज ३ गते सदरमुकाम दुनैकाे खेलकुद मैदानमा जनप्रतिनिधि र निजामती कर्मचारी टिम बिच भएकाे प्रतियोगितामा ५-२ गाेलले निजामती कर्मचारी टिमले जनप्रतिनिधि टिमलाई हराएको छ।

९० मिनेट सम्म भएकाे खेलमा डाेल्पाका निजामती कर्मचारी टिमले ५ गाेल गरेकाे थियाे भने राजनितीक तथा जनप्रतिनिधिहरुकाे टिमले २ गाेल गरेकाे थियाे ।

खेलमा हारजित भएपनि यस्ता खेलकुद कार्यक्रमले कर्मचारी, राजनीतिकदल, जनप्रतिनिधि बिचकाे एक आपसकाे सम्बन्ध थप प्रगाढ हुने  मैत्रीपूर्ण फुटबल प्रतियोगिता आयाेजक ठुलीभेरी नगरपालिका डाेल्पाका निमित्त प्रमुख प्रशासकीय अधिकृत सन्तोष खड्काले बताउनु भयाे।

संविधान दिवसकाे अवसरमा डाेल्पाका विभिन्न स्थानमा प्रभात फेरि लगाएतका विभिन्न कार्यक्रम गरि संविधान दिवस तथा राष्ट्रिय दिवस मनाईएकाे छ।