डोल्पाको त्रिपुरासुन्दरी नगरपालिका न्यायिक समितिमा सवै भन्दा बढी लेनदेन त्यस पछि सामान्य झैझगडा गालिब्यईजती,वनचरिचरण लगाएतका विषयमा उजुरी दर्ता हुने गरेको नगर उपप्रमुख तथा न्यायिक समिति संयोजक देवि घर्तीले जानकारी दिईन् । स्थानीय सरकार सञ्चालन ऐन २०७४ को दफा ४७ को उपदफा २ बमोजिम न्यायिक समितिले मेलमिलाप प्रक्रियाबाट उजुरी निरोपण  गर्ने गरेको संयोजक घर्तीले बताएकी छिन्  ।

त्रिपुरासुन्दरी नगरपालिका न्यायिक समितिको प्रतिवेदन अनुसार आ.व. २०७७/०७८ मा जम्मा ३३ वटा उजुरी दर्ता भएकोमा केहि दुवै पक्ष संग छलफल गरि मेलमिलाप भएको र केहि उजुरी दिने व्यक्ती सम्पर्कमा नआउदा (डिसमिस) भएका छन । यस्तै आ.व. २०७८/०७९ मा जम्मा ७ वटा निवेदन दर्ता भएकोमा ७ वटै मुद्धा दुवै पक्षलाई छलफल गरि मेलमिला गरिएको छ । यस्तै आ.व. २०७९/०८० मा जम्मा २६ वटा निवेदन न्यायिक समितिमा दर्ता भएकोमा १९ वटा मुद्धा दुवै पक्ष विच छलफल गरि टुंग्याईएका छ भने बाकीँ ७ वटा मुद्धा लाई नयाँ आर्थिक बर्षमा टुंगो लगाउने गरि नविकरण गरिएको त्रिपुरासुन्दरी नगरपालिका डोल्पाका न्यायिक समिति सल्लाहकार पूर्ण प्रसाद हमालले जानकारी दिए । यस आ.व.२०८०/०८१ श्रावण कार्तिक दोस्रो साता सम्म न्यायिक समितिमा २ वटा गालिबेईजती,३ वटा पशुवस्तु चरिचरण,४ वटा आर्थिक लेनदेनको विषयमा गरि जम्मा ९ वटा उजुरी दर्ता भएकोमा ३ वटा निवेदन किनारा लागिसकेको र बाकीँ छलफलको लागि तामेली पत्र पठाएको कानुनी सल्लाहकार हमालले बताए ।

पछिल्लो समय डोल्पाका स्थानीय सरकारका न्यायिक समितिले क्षेत्रअधिकार भित्र रहेको दर्ता भएका उजुरीको छलफल मार्फत मेलमिलाप गराउने गरेका छन । न्यायिक समितिकका पदाधिकारी र कर्मचारीलाई क्षेत्रअधिकार संम्बन्धी आधारभुत तालिमको आवश्यक रहेको आवाज उठ्दै आएको छ ।