पुर्ण सार्की/सुर्खेत। नेकपा माओवादी केन्द्र त्रिपुरासुन्दरी नगर समितिको दोश्रो नगर सम्मेलन चैत्र ३० गते हुने भएको छ।
नगर समितिका अध्यक्ष्य मोतीराम गौतम ‘पारस’ले बुधबार सामाजिक सञ्जाल फेसबुक मार्फत पोस्टर शेयर गर्दै दोश्रो नगर सम्मेलन चैत्र ३० गते त्रिपुराकोट बगर बजारमा दिउँसो ११ बजे देखि सुरु हुने जानकारी दिएका हुन्।
ऐतिहासिक दोश्रो नगर सम्मलेनमा त्रिपुरासुन्दरी नगरपालिका भित्रका सम्पूर्ण आमाबुबा, दाजुभाई , दिदीबहिनी, सम्पुर्ण पार्टीका सदस्यहरु, ११ ओटै वडाका वडा कमिटीका पदाधिकारीहरु, विभिन्न भातृ संगठनका पदाधिकारी तथा सदस्यहरुलाई उपस्थितको लागि विशेष आग्रह समेत नगरसमितिले गरेको छ।
नगर सम्मेलनमा आगामी पार्टीको रणनीति, पार्टी विस्तारमा जोड,२०८४ को निर्वाचनलाई ध्यानमा राखी पार्टीको नयाँ नेतृत्वको विषयमा छलफल समेत हुने छ।
त्यस्तै नेकपा माओबादी केन्द्र ठूलीभेरी नगर समितिले यही चैत्र २५ गते जिल्ला समन्वय समितिको सभा हल सदरमुकाम दुनै आगामी तेश्रो नगर सम्मेलनको विषयमा छलफल गर्न बैठक बोलाएको छ।
