विष्णुप्रसाद देवकोटा
सालनाल अड्केर गम्भीर स्वास्थ्य अवस्थामा पुगेकी एक महिलाकाे राष्ट्रपति महिला उद्दार काेष मार्फत उद्दार गरिएकाे छ ।
ठूलिभेरी नगरपालिका-१० रह गाउँकि १९ वर्षिया जुना विककाे नेपाली सेनाकाे हेलिकप्टर मार्फत उद्दार गरि सुर्खेत लगिएकाे हाे ।
माघ १८ गते आफ्नै घरमा सुत्केरी भई सालनाल ननिस्केर पाठेघरकाे मुख बन्द भई गम्भीर स्वास्थ्य अवस्थामा पुगेकी जुना विकलाई शनिवार विहान मात्र जिल्ला अस्पतालमा ल्याइएकाे थियाे ।
सालनाल ननिस्केर पाठेघरकाे मुख बन्दभई गम्भीर स्वास्थ अवस्थामा अस्पताल ल्याइएकी विककाे अत्याधिक रक्तश्राब भएपछि जिल्ला अस्पताल दुनैले रगत चढाएर अस्पतालकाे समन्वयमा राष्ट्रपति महिला उद्दार काेष मार्फत उद्दार गरिएकाे अस्पतालका चिकित्सा शाखा प्रमुख डाक्टर अखण्ड उपाध्यायले जानकारी दिनु भयाे ।
ठूलिभेरी नगरपालिकाकाे वडानम्बर १० रह गाउँ जिल्ला अस्पतालकाे नजिककाे दुरिमा रहेकाे गाउँ हाे ।तर अस्पतालकै आंखाकाे डिलमा रहेकाे रह गाउँमा अहिले पनि स्वास्थ्य संस्थामा आएर सुत्केरी गराउनु पर्छ भन्ने सम्मकाे चेतना नभएका कारण अकालमा ज्यान जाने जाेखिम कायम नै छ ।
अस्पतालका चिकित्सा शाखा प्रमुख उपाध्यायले समयमै अस्पतालमा आएर स्वास्थ्य परीक्षण लगायत सुत्केरी गराउने बानि नभएकाे र अन्तिम अवस्थामा मात्र अस्पतालमा ल्याउने प्रबृत्तिले अकालमै ज्यान गुमाउनु पर्ने अवस्था रहेकाे बताउनु भयाे ।
स्थानीय वडासरकारले स्वास्थ्य परीक्षण लगायतका जनचेतनामूलक कार्यक्रम ल्याई स्वास्थ्य संस्थामा गएर उपचार गराउने अभियानात्मक कार्यक्रम संचालन गर्नु पर्ने आवश्यकता रहेकाे चिकित्सा शाखा प्रमुख उपाध्यायकाे भनाई
