विष्णुप्रसाद देवकोटा/डोल्पा न्युज
डोल्पा,मङ्सिर १६ गते ।हिमाली जिल्ला डाेल्पामा चिसाेले गर्दा मतदानमा सकस भएकाे छ ।चिसोले गर्दा प्रतिनिधि र मतदाताहरु मतदान स्थलमा ढिलागरि पुगेपछि मतदानमा ढिलाई भएकाे हाे ।
चिसाेकाे कारण त्रिपुरासुन्दरी नगरपालिका वडा नं ५ मा पर्ने ल्हाँमा वडाअध्यक्ष पदकाे लागि भर्खरैमात्र मतदान सुरु भएको छ ।
सहायक निर्वाचन अधिकारी गाेपाल प्रसाद ज्ञावलीका अनुसार
चिसोले गर्दा प्रतिनिधि र मतदाताहरु ढिलागरिमात्र मतदान स्थलमा पुगेपछि सात बजेदेखि सुरुहुने मतदान प्रक्रिया सुरुहुन ढिलाई भएको हाे ।
मतदान प्रक्रिया शान्तिपुर्ण हिसाबमा सुरु भएको र हालसम्म ३६ मत खसेकाे सहायक निर्वाचन अधिकारी ज्ञावलीले जानकारी दिनु भयाे ।
वडा अध्यक्ष पदकालागि सुरु भएको मतदानमा नेकपा माओवादी केन्द्रबाट नरबहादुर झाँक्रिा,नेपाली काँग्रेसबाट राजेन्द्र प्रसाद न्यौपाने र नेकपा एमालेबाट नरबहादुर रोकाय उम्मेद्धार बन्नु भएकाे छ ।ल्हाँमा मतदाता संख्या ३ सय ५३ रहेको छ ।
गत स्थानीय तहको चुनावमा कुल ३ सय ६३ मतदाता रहेकोमा नेकपा एमालले १ सय ६,नेकपा माओवादी केन्द्रले १ सय ३ र नेपाली काङ्ग्रेसले ८३ मत प्राप्त गरेको थियो ।
२०७९ मा सम्पन्न स्थानीय तहको निर्वाचनमा नेकपा एमालेवाट निर्वाचित वडाध्यक्ष नन्दलाल रोकायको कार्यकाल अगावै मृत्यु भएपछि सोही पदकालागि निर्वाचन भएकाे हाे ।
