पुर्ण कुमार/ डोल्पा न्युज
डोल्पा : डोल्पाको त्रिपुरासुन्दरी नगरपालिका १ मा पर्ने त्रिपुराकोट बगर बजार बसपार्क नजिक जिप दुर्घटना भएको छ । आज दिउसो त्रिपुराकोट देखि त्रिपुरासुन्दरी ०४ रंग तिर जादै गरेको भे १ च २६५५ नं को जिप प्रहरी चेक पोइन्ट नजिक दुर्घटना भएको हो।
फोटो: भक्तमान नेपाली
जिप सडक भन्दा ३५ मिटर तल खसेको छ। बसमा चालक सहित ४ जना यात्रु सवार थिए।
घाइते हुनेमा त्रिपुरासुन्दरी नगरपालिका ०४ रंगका ६५ वर्षीय सर्वजित बोहोरा, सोही वडाका ५० वर्षीय कर्नलाल बुढा र जिप चालक २२ वर्षीय राम बहादुर चलाउने घाइते भएको त्रिपुराकोट प्रहरी चौकीले जानकारी दिएको छ। 
घाइते भएका तीन जनालाई उपचारको लागि जिल्ला अस्पताल डोल्पा पठाइएको त्रिपुराकोट प्रहरी चौकीका असई प्रेम बहादुर थापाले जानकारी दिनु भएको छ। त्रिपुरासुन्दरी ३ जिउ गाउँका ४५ वर्षीय नवीन बोहोरा भने सामान्य घाइते भएका छन्।
जिप के कति कारणले दुर्घटना भएको र दुर्घटनामा क्षतिको विवरण भने अनुसन्धान पछि थाहा हुने असई थापाले बताउनु भयो।