विष्णुप्रसाद देवकोटा
धार्मिक सांस्कृतिक र पर्यटीय सम्पदाकाे प्रचारप्रसार गर्ने उद्देश्यले डोल्पाको उत्तरी क्षेत्रमा पर्ने शे-फोक्सुण्डो गाउँपालिका-३ साल्दाङस्थित शेल गुम्बामा १२ वर्षे शे- मेला सुरु भएको छ।
दर्शन शेल रिवो डुग्ड्राको, आर्जन विश्व शान्तिको भन्ने मूल नाराका साथ ६७ औँ शे- मेला सुरु भएको हाे ।
शे फाेक्सुण्डाे गाउँपालिकाका उपाध्यक्ष तथा प्रचारप्रसार उप-समितिका संयोजक पेमा वाङ्छेन गुरुङले प्रत्येक १२ वर्षमा एक पटक लाग्ने मेलाले विश्वमा शान्तिको आह्वानसँगै डोल्पा जिल्लाको प्राकृतिक धार्मिक तथा सांस्कृतिक पहिचान समेत झल्काउने बताउनु भयाे ।
रिवो डुग्ड्राको धार्मिक ढोका खुलाउने जिक्तेन गोन्पो रिन्छेन पलका शिष्य तपस्वी डुपतोप सिंगे यिशेको सम्मान स्वरूप लाग्ने यो मेलाबाट समग्र डोल्पो दर्शन समेत बुझ्न सकिने अपेक्षा गरिएकाे छ ।
मेलामा सहभागी हुन पूर्व मन्त्री तथा डोल्पाका लागि संघीय सांसद धनबहादुर बुढा, र डाक्टर सन्दुक रुइतले मेलामा सहभागिता जनाउनु भएकाे छ ।मेला भदौ २१ गते सम्म सञ्चालन हुने बताइएको छ।
१२ बर्षे शे- मेला उद्घाटनकाे लागि प्रमुख अतिथिकाे रुपमा डाेल्पा पुगेका कर्णाली प्रदेशका मुख्यमन्त्री यामलाल कडेल प्रतिकुल माैसमका कारण हेलिकप्टर मेला आयाेजना स्थल जाननसकेपछि डाेल्पाकाे सदरमुकाम दुनैबाट प्रदेश राजधानी सुर्खेत फर्कनु भएकाे छन।