डोल्पा : डोल्पामा बिपदका तथ्यांक एकिन नहुंदा कार्यान्वयनमा समस्या हुने गरेकाे सराेकारवालाले बताएका छन ।बिभिन्न समयमा आउने बिपद पछि जिल्लाका बिभिन्न सरोकारवाला निकायले राख्नुपर्ने बिपदको तथ्याङ्क नै अपुरो हुने गरेको कर्णाली प्रदेश सरकारका भौतिक पूर्वाधार तथा शहरी विकास मन्त्री शेर बहादुर बुढाले बताउनु भयाे ।
शनिवार डोल्पा जिल्ला बिपद व्यास्थापन समितिको बैठकमा मन्त्री बुढाले भन्नु भयाे प्रदेश सरकारले बिपदका क्षेत्रमा काम गर्न चाहदा चाहदै पनि प्रयाप्त तथ्याङ्क नभएको कारण काम गर्न सकिएको छैन ।
जिल्लामा बिपदका अनेक घटना हुन्छन तर ति घटनाको स्थानीय तह देखी जिल्लाले समेत पूर्ण रुपमा तथ्याङ्क राख्न सकेको छैन । जिल्लामा सरोकारवाला निकायले वास्तविक तथ्याङ्क राखेर प्रदेश सरकारलाइ जानकारी गराए प्रदेश सरकारले सकेको राहात र थप व्यवस्थापनका लागि काम गर्ने मन्त्री बुढाकाे भनाई थियाे।
कर्णाली प्रदेशका अरु जिल्लाको तुलनामा डोल्पा बिपतका घटनाको तथ्याङ्क राख्नेमा निकै कम्जोर रहेको उल्लेख गर्दै एकिन तथ्याङ्क नभएपछि सरकारले दिने सेवावाट बिपदमा परेका नागरिक र समाज बञ्चीत हुने मन्त्री बुढाले बताउनु भयाे ।
स्थानीय तह हुदै जिल्लाले गरेको निर्णय र तथ्याङ्क नै मजबुद हुने र सोहि अनुसार प्रदेश सरकारले पहल तथा काम गर्ने हुदा वस्ति स्थानान्तरण देखी राहातका लागि जिल्लाले अग्र पङ्तिमा रहेर काम गर्न समेत भौतिक पूर्वाधार तथा शहरी विकास मन्त्री शेर बहादुर बुढाले निर्देशन दिए ।
एक फरक प्रसङ्गमा मन्त्री बुढाले सदरमुकाम दुनैवाट तिप्ला जाने सडक् निर्माणको काम स्थानीय सरकार जिल्ला प्रशासन र जिल्ला समन्वय बिच छलफल र सहकार्यबाट अघि बढाउन आग्रह गर्नु भयाे ।
नागरिकले सड्कको उपभोग गर्न पाउनुपर्छ सरकारले लगानी गरेको छ अब सुरक्षित तवरवाट निर्माण गरी सड्क नागरिकले उपभोग गर्न पाउने गरी बनाउन जरुरी रहेकोले ठेक्का रद्ध गर्ने कुरामा प्रदेश सरकार नरहेको समेत मन्त्री बुढाले प्रष्ट पार्नु भयाे।
बिपद ब्यवस्थापनका लागि धेरै उपकरणहरुको अभाब रहेको र भेरी नदिमा हुने दुर्घटन उद्धारमा सहजता ल्याउनकाे लागि प्रदेश सरकारले रवर वोटको व्यवस्था गरि दिन प्रमुख जिल्ला अधिकारी रोम बहादुर महतले माग गर्नु भयाे। 
कर्णाली प्रदेश सरकारको आगामी आर्थिक बर्षको बजेटमा जिल्लाका आयोजना छनौट सिफारिस समितिको बैठकका लागि मन्त्री बुढा सहित डोल्पाका ३ वटै माननीयहरु जिल्लामा आएर छलफल गरि रहेका छन ।
