डोल्पा,मङ्सिर २७ गते ।उपल्लाे लगायत तल्लाे डाेल्पामा मङ्सिर महिनामै दाेस्राे पटक हिमपात भएको छ ।मंगलवार राति अचानक परेको अविरल वर्षसंगै हिमपात भएको हो ।
उत्तरी सिमा नाकामा पर्ने डोल्पोबुद्द छार्काताङसोङ, शे फोक्सुण्डो र काइके गाउँपालिकामा बाग्लो हिमपात भएपछि त्यहाँको जनजीवन कष्टकर बनेको छ ।
त्यसै गरी तल्लो डोल्पामा पर्ने जगदुल्ला गाउँपालिका, त्रिपुरासुन्दरी नगरपालिकामा पर्ने खालीवन बन्तडी हुम लगायतका बस्तीमा समेत हिउँ जमेको छ ।
त्यस्तै गरी ठूलिभेरी नगरपालिकामा पर्ने माझफाल थरगाउँ दुरगाउँ र काँडातालीमा पनि हिउँ जमेको खवर प्राप्त भएको जिल्ला प्रहरी कार्यालयका प्रमुख डिएसपी शिब बुढाथोकीले जानकारी दिएयसैगरी जुफाल विमानस्थलकाे धावन मार्गमा समेत हिउँ जमेकाे छ ।धावन मार्गमा हिउँ जमेपछि नेपालगन्ज र सुर्खेतबाट डाेल्पाकाे लागि हुने कुनै पनि हवाई उडान भएनन् ।
हिमपातका कारण अत्याधिक चिसो बढेपछि बृद् बृद्दा महिला बालवालिकालाई समस्या भएको छ ।यत्तिखेर डोल्पाको तापक्रम शुन्य डिग्रीमा झरेको छ ।
हिमपातले जनजीवन कष्टकर बनाएपनि मङसिरमा परेको हिउँ शुभ भई बालीनाली लगायत यार्सागुम्बा उम्रनेमा सहयोग पुग्ने भएकाले कृषकहरु भने हर्षित छन ।
त्रिपुरासुन्दरी नगरपालिका–१ का माधवसि कठनयतले केहि दिन जनजीवन कष्टकर हुने भएपनि हिमपातले बालीनाली सप्रनमा सहयोग पुग्नुका साथै यार्सागुम्बा उम्रनमा समेत मद्दत गर्ने बताए ।
हिमपातले विभिन्न स्थानीय तहमा राखिएका नेपाल टेलिकमका टावरमा जडित सोलार प्यानलहरु समेत चार्जनभएपछि टेलिफोन सेवा समेत प्रभावित बनेको
