विष्णुप्रसाद देवकोटा
डोल्पाको पाटन क्षेत्रमा अनुमतिबिना यार्सा टिप्न जाने ९२ जनालाई पक्राउ गरि जरिवाना गरिएको शे–फोक्सुण्डो राष्ट्रिय निकुञ्जको कार्यालयले जनाएको छ ।
डोल्पामा जेठ १० गते बाट यार्सा संकलन कार्य सुरु गर्ने निर्णय भएपनि लुकिछिपी यार्सा टिप्न पाटन जाँदै गरेका ९२ जनालाई सुरक्षाकर्मी र निकुञ्जका कर्मचारीले भेटाएपछि पक्राउ गरि प्रतिब्यक्ति २ हजारका दरले जरिवाना गरेर फिर्ता पठाएको शे–फोक्सुण्डो राष्ट्रिय निकुञ्ज कार्यालय बरिष्ठ संरक्षण अधिकृत बिश्वबाबु श्रेष्ठले जानकारी गराए ।
अधिकृत श्रेष्ठका अनुसार अनुमतिबिना कोही कसैलाई यार्सा टिप्न पाटनतर्फ जान नदिएको र लुकिछिपी यार्सा टिप्न जाने ब्यक्ति फेला पारेको खण्डमा पक्राउ गरि जरिवाना गर्ने गरेको हाे ।
डोल्पाको डोल्पूबोध गाउँपालिका, छार्काताङसुङ गाउँपालिका, काइके गाउँपालिका, जगदुल्ला गाउँपालिका लगायत क्षेत्रको ३२ स्थानमा पर्याप्त मात्रमा पाइने गरेको डिभिजन वन कार्यालयले जनाएको छ ।
डाेल्पामा यार्सागुम्बा संकलनकाे मिति नखुल्दै अबैध रुपमा चाेरी गर्न पाटनमा पुगेका दुई जनाकाे मृत्यु भने भइसकेकाे छ ।
