जाजरकोट। पहिरोले जाजरकोट–डोल्पा सडक अवरुद्ध भएको छ । शुक्रवार (आज) बिहान जाजरकोटको नलगाड नगरपालिका ८ स्थित कायाखेतमा सडकमाथिबाट पहिरो आउँदा जाजरकोट–डोल्पा सडक खण्ड अवरुद्ध भएको हो ।
जिल्ला प्रहरी कार्यालय जाजरकोटका प्रहरी नायव उपरीक्षक (डिएसपी) पुरुषोत्तम प्रसाद सापकोटाका अनुसार बिहान सवा ८ बजेतिर पहिरो खसेको हो ।
पहिरो खसेपछि बिहानदेखि सवारी आवागमन ठप्प भएको र अहिले पहिरो पन्छाउनका लागि पहल भइरहेको उहाँले जानकारी दिनुभयो ।
सडक खण्ड अवरुद्ध भए सगै डोल्पा जाने मालावाहक ट्रक, सवारी साधन सबै उतै रोकिएका छन्। बर्खा याम सुरु भए सगै जाजरकोट-डोल्पा सडक खण्ड अन्तर्गत ११८ किलोमीटर भित्र पर्ने सडक खण्डको स्तरोन्नती नहुँदा दैनिक डोल्पाका नागरिकले समस्या खेपिरहेका छन् । यति मात्रै नभई यो सडक खण्ड अन्तरगत पर्ने खोलाहरुमा पक्की पुल निर्माण नहुँदा त झनै समस्या हुने गरेको छ।
