डोल्पा,कार्तिक १५ गते ।फोक्सुण्डो तालको दृश्यअवलोकन गर्न आउने पर्यटकहरुको संख्यामा बृद्दि भएको छ ।सडक यातायातको पहुँचसंगै यहाँ आउने पर्यटकको संख्यामा बृद्दि भएको हो ।शे फोक्सुण्डो राष्ट्रिय निकुन्ज कार्यालय सुलिगाडका रेन्जर यज्ञराज रोकायका अनुसार भदौ देखि कार्तिक १५ गते सम्म मात्र विदेशी तथा आन्तरिक गरि दुई हजार पर्यटकले फोक्सुण्डो तालको अवलोकन गरेका छन ।सडक यातायातको पहुँचसंगै डोल्पा घुम्न आउने पर्यटकको संख्यामा उल्लेख्य बृद्दि भएको रेन्जर रोकायको भनाई छ ।पछिल्लो समय फोक्सुण्डो ताल हेर्न आउने पर्यटकहरुमा सबैभन्दा आन्तरिक रहेका छन ।निकुन्ज कार्यालयका अनुसार भदौ देखि कार्तिक १५ गते सम्म आन्तरिक पर्यटक १ हजार ८ सय उन्नाईस सार्कमुलुकका ३ र विदेशी एक सय दुई गरेर १ हजार नौ सय चौबिस जना फोक्सुण्डो ताल हेर्न आएका हुन ।कार्तिक १ देखि १५ गते सम्म मात्र  १ हजार दुईसय सन्ताउन्न जना पर्यटक फोक्सुण्डो ताल घुम्न आएका हुन ।फोक्सुण्डो ताल जाने प्रवेशद्दवार सुलिगाडस्थित निकुन्ज कार्यालय नजिक भिमपुलसम्म नै मोटरसाईकलवाटै यात्रा गर्न सकिने भएपछि आन्तरिक पर्यटकको संख्या ह्रवात्तै बढेको हो ।मोटरसाईकलवाट फोक्सुण्डो ताल हेर्न आउने पर्यटकको संख्यामा ह्वात्तै बृद्दि भएपछि सुलिगाडस्थित भिमपुलनजिक निकुन्ज सुरक्षार्थ नेपाली सेनाको सुरक्षा चेक प्वाइन्टमा मोटरसाईकल पार्किङको सुविधा नभएपछि बेवारिस अवस्थामै सडकको दुई किनारमा मोटरसाईकल पार्किङ गर्नु पर्ने अवस्था छ ।