विष्णुप्रसाद देवकोटा
बागवानी विकास कार्यालय डाेल्पा जुफालका कार्यालय प्रमुख सम्पत्ति बुढा पुरस्कृत हुनुभएको छ ।
प्रदेश सरकार स्थापना दिवसको अवसरमा कर्णाली प्रदेश सरकार मुख्यमन्त्री तथा मन्त्रिपरिषदको कार्यालयले बुढालाई प्रदेश निजामती सेवा पुरस्कार प्रदान गरेको हो ।
०८०/०८१ मा गरेको कार्यसम्पादनको उच्च मुल्याङ्कन गर्दै उहाँलाई प्रदेश निजामती सेवा पुरस्कारबाट सम्मानसहित पुरस्कृत गरिएको हो ।
प्रदेश सरकारको निजामती सेवामा रहि पुर्याउनुभएको योगदानको उच्च कदर गर्दै उहाँलाई पुरस्कार प्रदान गरिएको हो । उहाँ बागवानी विकास कार्यालय डाेल्पा जुफालमा निमित्त प्रमुखको रुपमा कार्यरत हुनुहुन्छ । 
पुरस्कृत बुढाले यो सफलता बागवानी विकास कार्यालय डाेल्पाका सम्पुर्ण कर्मचारीहरुको अथक मेहनतबाट प्राप्त भएको प्रतिक्रिया दिनुभयो ।
